ಮನೋರಂಜನೆ

1 week ago
ದಿಗಂತ್ ಮತ್ತೆ ಬಣ್ಣ ಹಚ್ಚಲಿದ್ದಾರೆ..! ಯಾವುದು ಆ ಸಿನೆಮಾ..?
ಸುದ್ದಿಗಳು/ ಮನೋರಂಜನೆ 0

ನಟ ದಿಗಂತ್ ಹಲವು ತಿಂಗಳ ಬಳಿಕ ಮತ್ತೆ ಬಣ್ಣ ಹಚ್ಚಲಿದ್ದಾರೆ. ಪುಷ್ಕರ್ ನಿರ್ಮಾಣದ ಹೊಸ ಚಿತ್ರವೊಂದರ ನಾಯಕ ನಟನಾಗಿ ನಟಿಸಲಿದ್ದಾರೆ. ಸದ್ಯಕ್ಕೆ ಚಿತ್ರದ ಕೆಲಸಗಳು ಶುರುವಾಗಿದೆ. ಈ ಚಿತ್ರಕ್ಕೆ ಇನ್ನೂ ಹೆಸರಿಟ್ಟಿಲ್ಲ. ಈ ಚಿತ್ರದ ನಿರ್ದೇಶಕರು ಸೆನ್ನಾ ಹೆಗಡೆ. ಕಾಸರಗೋಡು ಮೂಲದ ಸೆನ್ನಾ ಈ ಹಿಂದೆ ಮಲಯಾಳಂನಲ್ಲಿ '0-41*' ಎಂಬ ಚಿತ್ರವನ್ನು ನಿರ್ದೇಶಿಸಿದ್ದರು. ಇದೊಂದು ರೊಮ್ಯಾಂಟಿಕ್-ಕಾಮಿಡಿ ಚಿತ್ರವಾಗಿದೆ. ಜೊತೆಗೆ ದಿಗಂತ್ ಕೆರಿಯರ್‌ನಲ್ಲಿ ಇದು ವಿಭಿನ್ನ ಚಿತ್ರವಾಗಲಿದೆ.

 ಪುಷ್ಕರ್ ಮತ್ತು ರಕ್ಷಿತ್ ಶೆಟ್ಟಿ ವಿವಿಧ ಚಿತ್ರಗಳನ್ನು ನಿರ್ಮಿಸುತ್ತಿದ್ದಾರೆ. ಈಗಾಗಲೇ 'ಹಂಬಲ್ ಪೊಲಿಟಿಶಿಯನ್ ನೋಗರಾಜ್' ಎಂಬ ಚಿತ್ರದ ಶೂಟಿಂಗ್ ಮುಗಿದಿದೆ.  'ಭೀಮಸೇನ ನಳಮಹರಾಜ' ಎಂಬ ಚಿತ್ರದ ಕೆಲಸ ಸಹ ಶುರುವಾಗಿದೆ. ಈ ಮಧ್ಯೆ ಪುಷ್ಕರ್ ಮತ್ತು ರಕ್ಷಿತ್ ಇನ್ನೊಂದು ಹೊಸ ಚಿತ್ರ ಮಾಡುವುದಕ್ಕೆ ಮುಂದಾಗಿದ್ದಾರೆ. ಈ ಚಿತ್ರಕ್ಕೆ ದಿಗಂತ್‍ರನ್ನು ನಾಯಕನನ್ನಾಗಿ ಆಯ್ಕೆ ಮಾಡಿದ್ದಾರೆ. ಈ ಚಿತ್ರ ಬರುವ ನವೆಂಬರ್‌ನಲ್ಲಿ ರಿಲೀಸ್ ಆಗುವ ಸಾಧ್ಯತೆ ಇದೆ.

'ಚಾರ್ಲಿ' ಎಂಬ ಹೊಸ ಚಿತ್ರದಲ್ಲಿ  ದಿಗಂತ್ ನಟಿಸಬೇಕಾಗಿತ್ತು. ಆದರೆ ಚಿತ್ರದ ನಿರ್ಮಾಪಕರಾದ ಖಾಸನೀಸ್ ಸಹೋದರರು ನಾಪತ್ತೆಯಾದ ಕಾರಣ ಚಿತ್ರದ ಶೂಟಿಂಗ್ ಅರ್ಧದಲ್ಲೇ ನಿಂತು ಹೋಗಿತ್ತು.

Related Articles